Во држава каде довербата во судството е 4% (и тоа е многу) никому не е гајле кога неовластено се препишуваат (читај CTRL-C + CTL-V) текстови, сѐ додека текстот не е твој.
Оди тужи, маткај се со години по судови сѐ додека некој не го скрие предметот во фиока.
Станува збор за нашиот текст „Македонец е најдобриот фудбалер во Шведска за 2022 година“.
Обично, странициве што крадат немаат импресум, арно ама, оваа има - и тоа сите до еден набројани.
И што е најинтересно, најдолу дури и ставиле забрана за неовластено преВземање (не знаат ни како правилно се пишува преземање!) на нивните текстови. Е сега, ако некој сака да им го преВземе токму овој крадениот текст, дали ќе му дозволат? Хмммм... прашање чиј одговор многу нѐ интересира.
Другава нема импресум, стандардно за страница која објавува текстови на ваков начин.
И кај двете не стои автор на текстот. Па нормално, како може да стои автор кога авторот не работи кај нив.
Btw, се кладиме дека двете во никоја друга прилика немаат пишано Хелсинбориј (последниот збор во крадениот текст) затоа што во државава сите го пишуваат Хелсинборг, како што се пишува на латиница, додека ние на сајтчево наше го пишуваме како што се изговара на шведски. Ама кога крадеш барем и ќе научиш нешто...
