На почетокот на февруари корисниците ќе можат да објавуваат твитови до 4.000 карактери.
Во твит објавен во неделата, Илон Маск потврди дека една од најпрепознатливите, ако не и најпрепознатливата карактеристика на платформата Twitter радикално ќе се промени на почетокот на февруари.
Една од најголемите промени на оваа социјална мрежа се случи кога Џек Дорси, поранешниот извршен директор, го удвои бројот на знаци кои корисниците можат да ги објават во еден твит - од 140 на 280. Сега, Илон Маск ја зголемува таа граница дури 14 пати, од 280 до 4.000 знаци.
Сепак, иако е најгласна, тоа не е единствената промена што доаѓа на платформата: „Лесното лизгање налево/десно за движење помеѓу препорачаните и следените твитови доаѓа подоцна оваа недела. Една недела подоцна ќе стигне копчето Bookmark во деталите за твитот, а долгите твитови на почетокот на февруари“, напиша новиот сопственик на Twitter.
Секако, како што е вообичаено, многу корисници не се задоволни од оваа промена, а некои дури се заканија дека ќе го „блокираат секој што пишува долги твитови“. За жал, сè уште не е јасно дали оваа промена ќе влијае на сите корисници или можноста за пишување твитови до 4.000 знаци ќе биде исклучиво достапна за оние кои плаќаат за претплатата Twitter Blue.
