Носталгијата по раните 2000-ти е во тренд и Тајра Бенкс сака да заработи на сметка на тоа.
Не помина ни една недела по премиерата на „Life Size 2“, продолжението на оригиналниот филм на Disney од 2000 година со Бенкс и Линдзи Лохан во главните улоги, а супермоделот веќе размислува за следниот филмски проект.
Бенкс ја играше шанкерката Зои во хит филмот „Coyote Ugly“ од 2000 година со Пајпер Перабо во главната улога на Вајолет Сенфорд која се сели во Њујорк за да го оствари сонот за успех во музичката индустрија, но за да врзе крај со крај се вработува како шанкерка.
Саундтракот од филмот беше подеднакво, ако не и попопуларен од филмот, а носечката песна „Can’t Fight the Moonlight“ на ЛиЕн Рајмс беше меѓу 20-те најпопуларни песни во секоја земја каде се пласираше на топ-листите и се најде на 11-то место на Billboard Hot 100. Беше на прво место на топ-листите во осум земји, вклучувајќи ги Австралија, Ирска и Велика Британија и беше најпродаван сингл во Австралија во 2001 година.
„Умирам од желба да го снимиме Coyote Ugly 2“, откри Бенкс во интервју за PEOPLE TV.
„Сакам да бидам продуцентка на филмот. Само ми треба да ги добијам правата од Џери Брукхајмер или шанса да работам со него“, рече таа.
За актерската екипа за продолжението, Бенкс посегнува кон ѕвездите.
Мултиталентираната убавица сака да ги собере на едно место Лејди Гага, Мерил Стрип и Селена Гомез.
„Можеби Лејди Гага за улогата на газдарицата на барот? А Мерил Стрип да танцува на шанкот заедно со нас“, возбудено предлага Бенкс.
