На годинешната изложба Monaco Yacht Show учествува и реномираната холандска компанија Sinot Yacht Architecture & Design, која ќе претстави спектакуларен концепт наречен Poetry.
Станува збор за луксузна јахта долга 129,6 метри, дизајнирана да личи на модерна „пловна палата“.
Располага со ВИП соби за 12 гости, со сместување за 47 членови на екипажот, додека горната палуба е претворена во апартман за сопственикот.
Доволно е голема за да собере кино, велнес центар, теретана, салон за убавина, сауна и простор за масажа, пишува Autoevolution.
Полуотворената трпезарија е споена со централната палуба и голем инфинити базен. Поседува и пространа гаража за две лимузини и многу пловни објекти. Аеродинамичниот дизајн и силниот погонски систем гарантираат домет до 4.500 наутички милји, со максимална брзина од 33 км/час.
Poetry е спремна за производство, само уште да се јават заинтересирани клиенти со длабок џеб.