Лондон, 4 јули 2019 (МИА) – Петнаесетгодишната Американка Кори Гоф, попозната како Коко, продолжува со одличното претставување на тенискиот турнир Вимблдон.
Откако сензационално ја отстрани петкратната шампионка и нејзина обожавателка, Венус Вилијамс, Гоф победи и во вториот круг од Грен слем турнирот.
Таа победи со 6-3, 6-3 против Магдалена Рибарикова од Словачка, која е специјалист во игра на трева и поранешен полуфиналист на „Вимблдон“ од 2017 година.
Коко Гоф стана најмладата натпреварувачка, која ги надминала квалификациите на Вимблдон и најмладата која стигнала до третиот круг, по Џенифер Капријати која се рангира во оваа фаза пред 28 години.
Пред големиот успех над Венус Вилијамс, Коко Гоф беше целосно непозната. Таа е надвор од првите 300 на светската ВТА листа. Таа е средношколка и во пресрет на натпреварот со Вилијамс требало да оди на тест.
Гоф вели дека повеќето од нејзините наставници немаат идеја дека игра тенис. За неа и нејзиното семејство, сепак успехот не е толку изненадувачки.
Често се опишува како одличен талент. Кога имала 11 години, Гоф била избран од тренерот на Серена Вилијамс, Патрик Муратоглу, да тренира со него во Франција.
