Промоцијата на новиот Samsung Galaxy S8 се очекува кон крајот на март, а како што настанот се приближува, така на интернет се појавуваат нови „протечени“ фотографии од претстојниот уред.
Најновите фотографии го покажуваат смартфонот во уште подобро издание и со пуштен екран, со што подобро се гледа предниот дел на уредот.
Од фотките се гледа дека го нема home копчето, дека има многу минимални рамки околу екранот, и дека недостасува логотипот на предната страна. Исто така се гледа дека има повеќе сензори, 3,5мм влез за слушалки, како и звучник и USB-C порт.
Претходните гласини сугерираа дека смартфонот ќе добие и скенер за отисоци на задната страна, што би било најголема измена кај новиот модел.
Galaxy S8 ќе биде достапен во две верзии и двете ќе имаат Snapdragon 835 или Exynos 8895 процесор како и цена од околу 1.000 долари.
Најавите се дека ќе добие камера од 12 мегапиксели, 4 или 6 GB RAM, како и батерија од 3000mAh за стандардниот модел, и батерија од 3.500mAh за поголемиот смартфон.
