Заврши гласањето на навивачите за Ол-стар тимовите, а познато е кои десет играчи ќе го започнат мечот на 18 февруари во Индијанаполис.
Годинава е вратена поделбата на тимовите на Источна и Западна конференција, а капитените нема да ги избираат соиграчите како што беше случај во изминатите неколку години.
Најмногу гласови добија Леброн Џејмс и Јанис Адетокунбо, кои ќе бидат капитени на Западот и Истокот.
За Истокот ќе стартуваат:
- Јанис Адетокунбо (к)
- Жоел Ембиид
- Џејсон Тејтум
- Тајрис Халибртон
- Демиен Лилард
За Западот ќе стартуваат:
- Леброн Џејмс (к)
- Кевин Дурент
- Никола Јокиќ
- Лука Дончиќ
- Шеј Гилџс-Александер
Останатите 14 кошаркари кои ќе го започнат натпреварот од клупата за резерви ќе бидат одбрани од тренерите на сите НБА тимови на 1 февруари. Во случај на откажување поради повреда, комесарот на НБА, Адам Силвер, ќе назначи играч-замена.