Унгарија ја зајакнува заштитата на своите граници, а како причина го наведува новиот бран мигранти кои наводно преку балканската рута патуваат кон Унгарија, пишува dpa.
Владата на унгарскиот премиер Виктор Орбан планира да ја подигне за дополнителен метар бодликават жица долга 150 километри на југот на земјата, која беше изградена за време на бегалската криза во 2015 година.
Се очекува нова гранична ограда да се подигне во националниот парк Дунав-Драва на југот од земјата, долж српската и хрватската граница.
Владата, исто така, планира да вработи вкупно 2.000 нови, вооружени стражари како дополнително засилување на војската и граничната полиција.
ЕУ со години е во расправија со Будимпешта поради нејзината рестриктивна политика кон мигрантите. Орбан неодамна се пожали на зголемениот број нелегални преминувања на границите.
Од друга страна, Словенија во петокот почна да ја отстранува антимигрантската жичена ограда на словенечката страна на границата со Хрватска.
Премиерот Роберт Голоб ги нарече антиимигрантските бариери нехумани и рече дека тие не служат за целта за која се поставени, што е знак за промена на политиката на новата влада кон мигрантите и бегалците, бидејќи се обврза да највисоко почитување на човековите права и забрзување на обработката на барањата за азил.