Отечените нозе може да бидат здравствен проблем сам по себе, но и симптом за поопасна болест.
Ракот на грлото на матката често се нарекува тивок убиец бидејќи може да се развива бавно без многу видливи симптоми и често се препознава само кога е предоцна.
Дури и ако некој почувствува симптоми, може да ги помеша со несакани ефекти од менструалниот циклус, имено вагинално крварење и болки во стомакот, кои се меѓу најчестите знаци.
Ракот на грлото на матката може да се манифестира и на други начини, во зависност од тоа колку е напреднат. Како што објаснуваат лекарите, на самиот почеток се појавува еден необичен знак за овој вид на рак, иако многу жени го игнорираат. Се работи за отечени нозе.
Имено, отокот или болката во нозете често се предизвикани од ширење на ракот во блиските лимфни јазли. Најчестите места каде што се шири ракот на грлото на матката се лимфните јазли, но и црниот дроб, белите дробови и коските. Лимфните јазли се дел од жлездениот систем на телото кој ги филтрира телесните течности и се бори против инфекцијата, а најчестиот симптом кога ракот се шири на лимфните јазли е тоа што тие стануваат отечени.
Како што додаваат, клетките на ракот можат да го спречат и одливот на лимфната течност, што доведува до отекување на нозете поради насобирање течност, објаснуваат лекарите. Други симптоми на кои треба да обрнеме внимание бидејќи може да укажуваат на рак на грлото на матката се:
- вагинално крварење
- необичен исцедок
- карлична болка
- болка за време на или после сексуален однос
- проблеми со мокрењето
- ненадејно губење на тежината
- замор.
Отeчени нозе: Причини, симптоми и кога треба да одите на лекар?
