Фудбалската федерација на Македонија објави фотографии од новиот брендиран автобус со кој ќе се возат македонските фудбалери за време на историскиот настап на претстојното Европско првенство.
Со брендиран црвен автобус репрезентацијата на Македонија ќе се вози низ улиците на Букурешт и Амстердам во јуни.
ФФМ го откри срецијално дизајнираниот автобус на кој преовладува црвената боја, додека со жолта се амблемот на ФФМ, пораката „Сега е наше време“, како и животно кое наликува на трансформер.
Како што претпоставивме, а ни потврдија и од Федерација, всушност се работи за рис, животно кое веќе неколку години е заштитен знак на фудбалската репрезентација чиј прекар ѝ е „Рисови“.
Идејата е убава, но реализацијата, според нашето мислење, е многу лоша. Автобусот е супер, освен делот со рисот кој воопшто не личи на рис, дизајнот е ужасен и повеќе наликува на некој лик од популарните Трансформери.
Но, добро, прв пат играме на големо натпреварување па и немаме искуство со вакви работи. Искрено се надеваме дека овој крајно лошо дизајниран рис нема да го стават и на новите дресови кои ги најавија, а за кои веќе почнаа да се шират шпекулации по социјалните мрежи за тоа како ќе изгледа.
Фото: ФФМ
