Zastava во средината на 80-тите се обиде да го пласира моделот Yugo на големиот автомобилски пазар во САД.
Меѓутоа, овој мал југословенски компактен за кратко време стана предмет на потсмев меѓу Американците поради неквалитетната изработка и несигурноста.
Сепак, во САД се најдоа и автомобилски ентузијасти на кои „нашето“ Yugo им се допадна, па од 1985 до 1992 година преку океанот се продадоа повеќе од 140.000 примероци.
Сепак, ова Yugo има малку допирни точки со оригиналното – покрај проширената каросеријата и фелни „позајмени“ од Corvette, ова Yugo крие две големи изненадувања.
Ова е вистинска мала ѕверка – има дури два 8.2-литарски V8 мотора од Cadillac Eldorado, еден напред и еден во багажникот, кои произведуваат по 480 коњски сили.
Комбинацијата ја доближува вкупната моќност ова Yugo до 1.000 КС, распоредена на сите четири тркала.
Ова радикално Yugo се продава за 25.000 долари, но најверојатно ќе привлече само екцентрични колекционери и југоносталгичари со вишок пари за фрлање, бидејќи за таа цена може да се купи нов, помоќен и постабилен автомобил.
