Папата Франциск им искажа почит на свекрвите, кои општо важат за жртви на најтривијалните клишеа и ги повика да „обрнат внимание на својот јазик“, особено во однос со нивните снаи.
Неделната аудиенција на плоштадот Свети Петар беше посветена на односите меѓу различните генерации, а папата имаше долга дигресија за „митскиот карактер“ на свекрвата во општеството.
„Свекрвата, не велам дека ја гледаме како ѓавол, но отсекогаш е погрдно претставена. Но, не заборавајте дека свекрвата е мајка на вашиот сопруг“, посочи тој. „Ние си велиме колку е подалеку свекрвата, толку подобро. Но, не е така. Таа е мајка и повозрасна личност. За една жена најубава работа е да си дочека внучиња. Кога нејзините деца имаат деца, таа повторно оживува“, вели 85-годишниот папа.
Тој ги предупреди снаите:
„Останете во контакт со вашите свекрви. Понекогаш се малку посебни, но му пружиле мајчинство на вашиот сопруг. Барем усреќете ги“.
Но, папата ги предупреди и свекрвите:
„Ви велам да внимавате како се изразувате, како зборувате со снаите. Девијациите на јазикот се еден од најгрдите гревови на свекрвите“, смета тој.
