Од битолскиот фудбалски клуб излегоа со соопштение во кое наведуваат дека и да продолжи и да не продолжи сезоната нивните амбиции остануваат непроменети, односно пласман во најквалитетното друштво.
Засега нема никакви најави за евентуално продолжување на прекинатата сезона во второлигашката конкуренција. ФФМ одржа состанок во прволигашите, но оние од понискиот ранг не беа вклучени. А сепак и тие се засегнати, барем оние со прволигашки амбиции.
Гордоста на Битола, Пелистер, е лидер во групата Запад. Во годината во која слави 75 години од формирањето, битолчани испланираа прослава со пласман во Првата лига, но прекинот сега создаде неизвесност.
Допрва ФФМ треба да одлучи дали Втората лига ќе се доигрува, дали ќе биде прогласен крај, а со тоа и дали првопласираните ќе добијат пласман ранг погоре.
Пелистер излезе со соопштение како засегната екипа која чека разврска.
Во прилог, соопштението во оригинал:
