Најелитното клупско натпреварување во светот – Лигата на шампионите од следната сезона ќе доживее пет големи промени кои ќе го променат начинот на кој досега функционираше ова натпреварување.
Реформите во Лигата на шампионите ќе стапат на сила уште од денес, а УЕФА уште од порано најави дека во сезоната 2018/2019 ќе дојде до овие пет промени.
Досега директно учество во ЛШ изборија 26 клубови, вклучувајќи ги двата победници од ЛШ и ЛЕ, што значи дека преку квалификациите ќе се пополнат останатите 6 места. Клубовите кои ќе бидат елиминирани во четвртото претколо од квалификациите ќе оди во плејоф за учество во ЛЕ, додека испаѓањето во последното коло од квалификациите за ЛШ им гарантира на клубовите учество во ЛЕ наредната сезона.
Голема реформа е спроведена по прашање на играчите кои пристигнуваат во клубовите во зимскиот преоден рок. Од оваа сезона клубовите кои се натпреваруваат во ЛШ ќе можат да регистрираат тројца нови играчи кои го засилиле клубот во зимскиот преоден рок, без разлика на тоа дали тие играле за друг тим во истото натпреварување.
Исто така, терминот од 20:45 оди во историјата и тој ќе биде заменет со оној во 21:00, додека во новата сезона два натпревари ќе се одиграат и во терминот од 18:55 часот. Важно е да се нагласи и дека последните натпревари од групната фаза ќе се играат во исто почетно време.
Од наредната сезона тренерите ќе можат да искористат и четврта замена во натпреварите од нокаут фазата, a таа ќе може да се искористи дури откако мечот ќе замине во продолженија.
Петтата промена во ЛШ за наредната сезона е инспирирана од Серија А, односно од правилата на италијанската лига. Тренерите ќе можат да ја прошират клупата во натпреварите од ЛШ на 12 играчи, наместо досегашните 7.