Скоти Пипен, поранешниот ас на Чикаго Булс, даде изјава што ја разбранува јавноста во НБА.
Член на славната генерација на Булс, кој со Мајкл Џордан владееше во НБА лигата во 90-тите години на минатиот век, ги објави своите мемоари и тие покажуваат дека тој нема високо мислење за својот поранешен соиграч.
Тој истакна дека Џордан немаше да биде тоа што е ако не беа Денис Родман, Тони Кукоч, Рон Харпен, него и другите играчи, а ја исмеа и познатата игра од петтиот меч од финалето во 1997 година со Јута Џез.
Тој не застана тука, туку отиде понатаму тврдејќи дека „Летечкиот Мајкл“ всушност ја уништил кошарката.
„Можам да кажам дека Мајкл ја уништи кошарката. На терените во 80-тите топката кружеше, се додаваше за да му се помогне на тимот. Тоа престана во 90-тите. Децата сакаа да бидат како Мајкл, а тој не сакаше да ја додава топката, ниту да скока или да ги брани најдобрите играчи. Сакаше да работат за него“, изненади Пипен.
За него најдобар кошаркар на сите времиња е Леброн Џејмс.
„Сѐ што кажав е причината зошто секогаш сум сметал дека Леброн е најдобриот играч што кошарката го видела. Тој прави сѐ и ја покажува играта каква што би требало да биде“, додаде тој.
Повеќе за критиките на Пипен кон Џордан прочитајте ТУКА.