Google најави дека ќе ги претстави новите смартфони Pixel 3 и Pixel 3 XL во октомври, а сега се појавија нови фотографии и детали кои го прикажуваат освежениот изглед на уредите. Новите уреди како што изгледа се во чекор со трендовите и имаат notch на врвот од екранот, како кај iPhone X.
Новите фотографии се објавени на руски блог, а тие само го потврдуваат она што го видовме претходно, вклучувајќи го екранот со notch со резолуција од 1.440х2.960 пискели, кој се чини „подлабок“ во однос на останатите телефони со ваков екран.
На задниот дел од телефонот се наоѓа логото на Google, со што се дава до знаење дека се работи за телефон кој е во процес на производство.
На фотографиите може да се видат и USB-C слушалки кои Google веројатно ќе ги понуди како дел од пакетот вклучен со самото купување на телефонот.
Засега изгледа дека Google Pixel 3 XL ќе има само една камера на задниот дел, а што се однесува до предниот дел, тешко е да се заклучи дали уредот ќе има една или две селфи камери.
Забележливо е дека Pixel 3 XL ќе користи осум-јадрен Qualcomm процесор, најверојатно од моделот Snapdragon 845 или пак Adreno 630 GPU. Според гласините, двата модели на Google би требало да имаат 4GB RAM.