Британската полиција го пронашла автомобилот Ferrari кој пред 28 години бил украден од поранешниот Формула 1 возач Герхард Бергер, објавија британските медиуми.
Црвеното Ferrari F512М беше украдено во април 1995 година додека тој беше на трката за Големата награда на Сан Марино.
Полицијата соопшти дека автомобилот бил во Јапонија откако бил украден и бил вратен во Обединетото Кралство на крајот на минатата година, објави BBC.
Во истрагата покрај полицијата учествувал и самиот производител Ferrari. Заедно се обидоа да го пронајдат проверувајќи многу салони за автомобили во светот.
Во јануари, Ferrari ја предупреди полицијата за можноста дека се работи за украден автомобил откако го провериле моделот кој го купил клиент во САД.
Автомобилот е пронајден, но интересно, никој не е уапсен.
Пронајдениот автомобил од 350.000 фунти беше еден од двата украдени автомобили од италијанскиот производител. Вториот никогаш не е пронајден.
