По апсењето на Тимберлејк, Џесика Бил фотографирана без бурмата

По апсењето на нејзиниот сопруг Џастин Тимберлејк, Џесика Бил неодамна беше фотографирана во Њујорк, а обожавателите забележаа дека не ја носи бурмата.

Актерката моментално го снима филмот The Better Sister во Њујорк, а медиумите забележаа дека е насмеана и расположена. Но, бидејќи не носеше бурма, фановите се сомневаат дека двојката наскоро би можело да се разведе.

Сепак, Бил вчера присуствуваше на концертот на Џастин во Медисон Сквер Гарден, а на видеата кои кружат на социјалните мрежи таа танцуваше и се забавуваше речиси цела вечер.

Инаку, Тимберлејк минатата недела беше уапсен во Њујорк бидејќи возел под дејство на супстанции, а според полициските извештаи не успеал да застане на знакот „стоп“ и не возел по една лента. Тој одбил да направи алкотест, тврдејќи дека се напил само едно мартини.

Набргу по ослободувањето од притвор, тој ја продолжи својата турнеја, каде им се заблагодари на своите обожаватели што останале со него по инцидентот. Но, фановите и корисниците на социјалните мрежи забележале дека Тимберлејк имал крвави очи и се однесувал чудно за време на настапот, поради што се посомневале во употреба на нелегални супстанции.