Фудбалската репрезентација на Аргентина ја освои третата победа во групната фаза на Копа Америка, а Лаутаро Мартинес повторно брилираше.
Во последното коло од групата А, Аргентина го победи Перу со резултат 2:0 и со трите победи ја заврши првата фаза од натпреварувањето.
Двата гола на натпреварот ги постигна Лаутаро Мартинес, кој погоди во 47. и 86. минута.
Тоа беше трет и четврти гол за Мартинез на Копа Америка. Брилијантниот напаѓач на Интер постигна по еден гол во првите две кола против Канада и Чиле и е најдобар стрелец на натпреварувањето.
Во втората средба од групата А, Канада и Чиле одиграа 0:0 и со тој резултат Канаѓаните се пласираа во четвртфиналето.
Групата ја освоија Аргентинците со 9 бодови, Канада освои 4, додека Чиле со 2 и Перу со 1 бод беа елиминирани од натпреварувањето.
