Еден од најдобрите светски тенисери во моментов, Андреј Рубљов (6. АТП), одби да учествува на Олимписките игри во Париз, што е втор ваков случај во светот на тенисот во последните денови.
Овој 26-годишен Русин не сака да учествува на Олимписките игри бидејќи таму не може да се натпреварува под знамето на својата земја. Тоа го направи и одличната тенисерка Ана Калинскаја, па и двајцата ќе го пропуштат најголемото спортско натпреварување во светот.
На Русите и натаму им е забрането да учествуваат на најголемите спортски настани под знамето на нивната земја поради воената агресија врз Украина, па затоа за Олимписките игри се регистрирани како неутрални спортисти.
Russian tennis player Rublev turns down Paris invite, Medvedev accepts https://t.co/hqPXcc7Dk3 pic.twitter.com/wXWyseZtcM
— Reuters (@Reuters) July 2, 2024
За разлика од Рубљов, вториот руски адут за медал во тенис, Даниил Медведев, ќе учествува на тенискиот турнир на Олимписките игри. Тој ќе настапи под неутрално знаме.
На Олимписките игри во Париз, кои ќе се одржат од 26 јули до 11 август, тоа ќе биде последна шанса за златен медал за тенисери како Новак Ѓоковиќ и Рафаел Надал, иако Шпанецот го има овој престижен медал во кариерата.
Инаку, Рубљов денеска ќе го започне настапот на Вимблдон каде нешто по 13 часот и 30 минути ќе излезе на теренот против 122. тенисер во светот Франсиско Комесана од Аргентина.
