Македонскиот фудбал за жени е побогат за уште еден клуб откако ФК Слободен создаде и свој женски тим со кој ќе се натпреварува нареднава сезона.
![](/sites/default/files/styles/article_image_xxl/public/2024-07/%D0%B6%D0%B5%D0%BD%D1%81%D0%BA%D0%B8-%D1%84%D1%83%D0%B4%D0%B1%D0%B0%D0%BB-%D0%90%D0%B5%D1%80%D0%BE%D0%B4%D1%80%D0%BE%D0%BC.jpg?itok=VrUTrp-8)
Клубот кој се натпреварува во општинската лига група Кисела Вода сега се етаблира и во женската фудбалска заедница. ЖФК Слободен следната 2024/2025 сезона ќе се натпреварува во втората женска лига (2.ЖФЛ), која е најниска во моментов бидејќи беше лансирана пред само 4 години. Одлично е да се види дека женскиот фудбал во Македонија полека но сигурно расте. Иако лигата започна пред повеќе од 20 години, само од сезоната 2021/2022 имаше доволно тимови за да се создаде и втора лига. Сега, со додаден Слободен, таа лига следната сезона треба да има 9 екипи, доколку сите од минатата сезона го потврдат учеството.
Она што веќе го знаеме е дека новиот клуб има лого речиси идентично како и машкиот тим и веќе најде тренер во не било кој, туку во поранешната македонска репрезентативка Христина Арсова. Тимот веќе има фудбалерки и летово работи напорно на доекипирањето за својата прва сезона. Клубот од Аеродром е отворен за сите фудбалерки не само од Аеродром туку и од Центар, Карпош, Чаир, Кисела Вода, Влае и други скопски населби, со оглед на тоа што одржува тренинзи на различни локации.
Од Слободен нѐ информираа дека доставиле барање до Општина Аеродром да го користат стадионот „АМС Реонски Центар“ за домашни натпревари бидејќи ќе бидат единствен женски тим во најнаселената скопска општина. „АМС Реонски Центар“ во моментов се реновира со поставување на нов тревник.
Тренерот Арсова и една од играчите, Јелена Божикова, неодамна гостуваа во подкастот на „Скратен Корнер“.
Додека очекуваме од ЖФК Слободен да н известата за напредокот и подготовките, да видиме како треба да изгледаат двете македонски женски фудбалски лоиги нареднава сезона. Минатата сезона шампион и куп победник беше тетовски Љуботен. Од првата лига испадна Цевитана, а Атлетико се избори за место во елитата.
1.ЖФЛ 2024/2025:
- Ас Јунајтед (Струга)
- Атлетико (Битола)
- Истатов (Скопје)
- Каменица Саса (Македонска Каменица)
- Љуботен (Тетово)
- Речица (с. Речица, Кумановско)
- Скопје 2014 (Скопје)
- Тиверија (Струмица)
- Топ Гол (Битола)
- Шкендија (Тетово)
2.ЖФЛ 2024/2025:
- Билјанини Извори (Охрид)
- Борец (Велес)
- Вардар (Скопје)
- Кочани (Кочани)
- Плачковица (Радовиш)
- Победа 16 (Валандово)
- Порече (Македонски Брод)
- Слободен (Скопје)
- Цевитана (Прилеп)