Во новите судски документи на Мајкл Џексон стои дека пејачот должел повеќе од 500 милиони долари во моментот на неговата смрт.
Како што пишува People, покрај тоа што бил во долгови, непосредно пред неговата смрт била планирана неговата турнеја „This Is It“, која дополнително ги оптоварувала неговите финансии за 40 милиони долари.
„Во времето на смртта на Мајкл Џексон, најзначајните средства на пејачот беа предмет на долг од над 500 милиони долари, а некои долгови носеа исклучително високи каматни стапки“, се наведува во документите.
По неговата смрт, правниот тим преговараше за подмирување на неговите долгови со продажба на неговите работи и авторски права, подобрување на неговиот имиџ и спречување губење на преостанатиот имот.
Потсетуваме дека Џексон почина на 25 јуни 2009 година од срцев удар предизвикан од акутна интоксикација со пропофол. Во моментот на смртта имаше 50 години. Докторот на починатиот пејач, Конрад Мареј, беше прогласен за виновен за убиство од небрежност бидејќи му дал поголеми дози на седативи.
