Литванскиот претседател побара да се зајакне источното крило на алијансата по краткиот вооружен бунт на приватната воена компанија „Вагнер“ против Москва, чин што му се спротиставви на повеќе од две децении од владеењето на рускиот претседател Владимир Путин.
Генералниот секретар на НАТО Јенс Столтенберг ќе се сретне со претседателот Гитанас Наусед во понеделник во Вилнус како дел од подготовките за самитот на НАТО во литванската престолнина на 11 и 12 јули. Клучна тема на состанокот ќе биде војната на Русија против Украина.
Претседателот Наузеда го привлече вниманието на договорот со посредство на Белорусија за да се смири кризата, а според кој шефот на Вагнер Евгениј Пригожин оди во егзил во Белорусија.
Белорусија граничи со Литванија, членка на НАТО. Литванија граничи и со Калининград, руска ексклава на Балтичкото Море.
Наузеда предупреди дека присуството на Пригожин во Белорусија и превирањата во Русија го ставиле регионот во опасна ситуација.
„Овде не зборувам само за Литванија, туку и за НАТО како целина“, рече Наузеда, а пренесува литванското радио.
„Имаме работа со голема земја, нуклеарна земја и какви било внатрешни немири неизбежно имаат последици за безбедноста на околните земји“, рече Наузеда, мислејќи на Русија.
Тој рече дека сè уште нема информации дали шефот на Вагнер е веќе во Белорусија, земја со блиски врски со Русија.
Тој најави дека Литванија ќе распореди повеќе разузнавачки ресурси за да ги процени „политичките и безбедносните аспекти“ во Белорусија.
