На 73-годишна возраст почина Манфред Тjери Муглер - француски моден дизајнер, креативен директор и креативен советник на модната куќа Mugler.
Во 70-тите години на минатиот век, по основањето на својата модна куќа, Муглер стана препознатлив по својот авангарден, архитектонски, хипер-женствен и театарски пристап кон високата мода.
На почетокот на својата кариера, Муглер го дизајнираше препознатливиот и впечатлив изглед на Грејс Џонс, Дејвид Боуви и Дијана Рос, како и комбинации на облека за спотот на Џорџ Мајкл „Too Funky“, а пред сѐ фустанот на Деми Мур од филмот од 1993 година. „Непристоен предлог“, која го доби епитетот најпознат фустан од 90-тите.
Во исто време, тој го лансираше парфемот Angel, кој стана еден од најпродаваните парфеми на 20 век.
Во подоцнежните години, винтиџ дизајнот на Муглер доживеа значајно препородување меѓу познатите личности, вклучувајќи ја Лејди Гага која носи негов модел во спотот за песната „Telephone“ и Карди Би, која стана негова блиска пријателка и многу често ги носеше неговите винтиџ креации како на црвениот тепих, така и во музички спотови.
Тој, исто така, дизајнираше костими за Бијонсе и нејзината светска турнеја, и така неговиот бренд стана еден од најпосакуваните луксузни брендови за потрошувачите од генерацијата Z, според истражувањето на Teenage Vogue.
Во 2019 година, тој направи уникатен дизајн што Ким Кардашијан го носеше на настанот Мет Гала. Истата година, Музејот за ликовни уметности во Монтреал (IMFA) ја лансираше изложбата „Thierry Mugler: Couturissime“ посветена на славниот дизајнер.