Нешто повеќе од една година по смртта на Диего Марадона (60), неговиот брат Уго (52) почина од срцев удар, соопшти италијанскиот калчолигаш Наполи.
„Уго Марадона е мртов“, соопшти Наполи во краткото соопштение, потврдувајќи ја информацијата од италијанските медиуми дека доживеал срцев удар.
Ел Турко, како што го нарекуваа, живееше во Монте ди Прочида, 15 километри западно од Неапол.
Уго Марадона, како и славниот Диего и неговиот брат Раул, играше фудбал, беше играч од средниот ред, но неговата кариера не беше толку плодна.
Беше аргентински репрезентативец до 16 години, а на 18 години потпиша за Наполи, но набрзо замина на позајмица во Асколи. Две сезони помина во Рајо Ваљекано, една во виенски Рапид, а играше и за клубови од Јужна Америка, Јапонија и Канада. Нормално, и тој кариерата ја имаше почнато во Архентинос Жуниорс.
По завршувањето на кариерата во 1999 година, работеше како аматерски и младински тренер. За разлика од неговиот славен брат, Ел Турко живееше мирен живот и имаше три деца.
