Tим научници започнуваат со мисија да ја истражат огромната санта мраз што се наоѓа во Атлантскиот Океан.
Научниците ќе се приближат до ледениот брег наречен А68а со истражувачкиот брод „Џејмс Кук“ и ќе користат подводни роботски возила и инструменти за да утврдат како замрзнатата маса влијае на околината.
Големите санти мраз ја менуваат температурата на морето околу нив и создаваат голема количина свежа вода при топењето, а тоа влијае на условите на морскиот живот, од наједноставните планктонски организми до китовите.
Сантата мраз се оддели од секторот Larsen C на Антарктикот во 2017 година и полека се движи кон север, а во последните месеци изгуби на маса и затоа веќе не е „најголемата санта мраз во светот“. И покрај тоа, нејзината големина е сè уште застрашувачка, особено на сателитските снимки на кои се гледа дека се движи на 90 километри од брегот.
Научниците се надеваат дека ќе дојдат до сантата до крајот на јануари. Ќе се користат две подводни возила кои ќе поминат скоро четири месеци во нејзина близина и ќе ги следат температурата и соленоста на морската вода, како и да ги анализираат концентрациите на хлорофилот. Податоците за хлорофил ќе покажат колку фитопланктон има во водата. Овие организми се основа на синџирот на исхрана, ги јадат мали ракови што ги јадат клучни предатори.
„Длабочината“ на сантата мраз под морската површина е 200 метри.