Славниот актер Леонардо Дикаприо неодамна одвои 7,1 милион долари за куќа во Лос Анџелес.
Станува збор за елегантна вила во шпански колонијален стил која претходно била во сопственост на пејачката Гвен Стефани. Сега во неа ќе живее мајката на актерот. Пред неколку години, Дикаприо одвои 4.9 милиони долари за куќа во која живее неговиот татко.
Актерот поседува неколку недвижнини, дел од неговата колекција се дом во Лос Анџелес којшто го купи во 90-тите од Мадона, модерен дом во Палм Спрингс купен во 2014 година и дом во Малибу вреден 23 милиони долари, купен во 2017 година.
Купените недвижности не ги користи само тој туку ги подарува на членови од семејството. Дикаприо поседува 8 стана во Њујорк и остров на Белизе. Актерот и понатаму живее во вила во Лос Фелиз, населба во Лос Анџелес. Станува збор за куќа во шпански колонијален стил во којашто има базен, библиотека, домашно кино и теретана.
