Поради заразени играа со младинци, противникот им даде 10 голови
Една од најдобрите екипи во руското првенство синоќа доживеа дебакл откако загуби со 10:1 и тоа бидејќи поради коронавирусот првата екипа замина во карантин, а на терен истрчаа младинците.
Фудбалскиот клуб Ростов се бори за место во Лигата на шампиони, но како што стојат работите, ќе ја загуби таа битка и тоа поради коронавирусот. Откако 6 фудбалери резултираа позитивни, целиот прв тим мораше да замине во карантин. Нивниот вчерашен натпревар на гости кај Сочи не беше одложен, туку се одигра, а за Ростов истрчаа играчи од младинскиот тим.
Домашните играчи не покажаа милост кон голобрадите момчиња и ја наполнија нивната мрежа колку што можеа. Дури промашија и пенал за поубедлива победа.
Интересно, но први поведоа гостите и тоа по само 47 секунди игра.
На гостинскиот гол дебитираше 17-годишниот голман, кој и покрај десетте примени голови имаше уште толку одлични интервенции и го привлече вниманието во руската јавност.