Предлог за ручек, посни полнети суви пиперки.
Состојки:
15 поголеми суви пиперки
300 грама ориз
2 поголеми главици кромид
150 грама суво грозје
100 грама сецкани ореви
100 мл маслиново масло
Малку лук, сол и сушен зачин
Подготовка:
Кромидот и лукот ситно ги сецкаме и ги пржиме со малку масло, го додаваме оризот и се заедно кратко пржиме.
Потоа додаваме една шолја млака вода, сувото грозје и сецканите ореви.
Зачинуваме и вариме се додека оризот не омекне.
Пиперките ги потопуваме во топла вода, и ги полниме со претходно подготвената смеса, ги редиме во тавка за печење.
Поливаме со масло и една шолја млака вода, тавката ја покриваме со алуминиумска фолија и печеме во рерна 60 минути на умерена температура.
Потоа ја отстрануваме фолијата и печеме уште 10 минути.
