Со комплетирањето на квалификациските групи синоќа сега познат е и распоредот на барабаните во пресрет на ждрепката на групите за ЕУРО 2024.
Она што веднаш доаѓа до израз е силината на последниот шешир каде се наоѓаат Италија, Швајцарија и Србија, плус победниците од баражите во март.
Извлекувањето на групите за Европското првенство во Германија ќе се одржи в сабота на 2 декември во Хамбург во 18:00 часот.
Барабаните беа направени врз основа на постигнатите резултати во квалификаците. Домаќинот на турнирот автоматски има место во првиот барабан.
Барабан 1
Германија (домаќин)
Португалија
Франција
Шпанија
Белгија
Англија
Барабан 2
Данска
Унгарија
Австрија
Албанија
Турција
Романија
Барабан 3
Холандија
Шкотска
Словенија
Словачка
Чешка
Хрватска
Барабан 4
Италија
Швајцарија
Србија
бараж Лига нации А
бараж Лига нации Б
бараж Лига нации Ц
Баражите од лигите А, Б и Ц од сезоната 2022/2023 на Лигата на нации изгледаат вака:
Лига А
Полска - Естонија*
Велс - Финска/Украина/Исланд**
*Естонија како најдобра во Лига Д доби шанса да пополни празно место во Лигата А.
Лига Б
Израел - Украина/Исланд**
Босна и Херцеговина - Финска/Украина**
Како второпласирани во своите групи во Лигата Б, Финска, Украина и Исланд добија шанса да ги пополнат испразнетите места во Лига А и Лига Б. Со жрепка ќе биде одредено која од нив ќе игра бараж преку Лига А. Жрепката ќе биде сега в четврток во Нион, Швајцарија.
Лига Ц
Грузија - Луксембург
Грција - Казахстан
Баражите се закажани за март в година. Полуфиналните натпревари ќе се играат на 21 март, а финалните баражи кои ќе ги дадат последните три учеснички ќе се играат на 26 март.