Традиционалниот предсезонски ракометен турнир ќе стартува на 12 август со напреварот помеѓу домаќинот Струга и Прилеп.
На синоќешната жрепка беа направени двете групи за 48. издание на меѓународниот турнир во Струга кој оваа година поради пандемијата со коронавирусот ќе го сочинуваат само домашни екипи. Тоа значи дека минатогодишниот победник, грчки АЕК, нема да може да го брани пехарот.
Група А:
Вардар
Охрид
Бутел
Еурофарм П. 2
Група Б:
Е. Пелистер
Струга
Металург
Прилеп
Првиот ден, среда, ќе почне со пресметката на Струга и Прилеп по што ќе следува и мала церемонија за отворање на турнирот. Потоа ќе се соочат Бутел и Охрид, а вечерта ќе ја заокружи дербито на Пелистер и Металург, два претендента за пехарот.
Фаворитот Вардар походот кон титулата ќе го почне против Охрид на вториот ден, а групната фаза ќе заврши со четвртиот ден, односно сабота,
Наредниот ден, недела, на програмата се натпреварите за пласман како и финалето помеѓу двете првопласирани екипи и тоа со почеток во 21:15 часот. Сите натпревари ќе се играат на отвореното игралиште „Женска плажа“.
Според протоколот на Министерството за здравство натпреварите треба да се играат без публика, но организаторот има во план според посебен протокол да дозволи присуство на мал број на гледачи. Сепак, тоа допрва ќе биде одлучено.
