Вкусен и лесен колач идеален како десерт за целото семејство.
Потребни состојки:
- 2 јајца
- 1 чаша шеќер
- 1 чаша гриз
- 1 чаша мелени ореви
- Половина чаша остро брашно
- Половина чаша масло
- Половина чаша млеко
- Половина лажичка цимет
- Две средни јаболка
Начин на подготовка:
Излупете ги јаболката, па изрендајте ги. Во еден сад измешајте брашно, гриз, ореви и цимет. Во поголем сад ставете ги јајцата и шеќерот, па мешајте со миксер. Додадете масло и соединете со смесата, па на крајот ставете од млекото.
Кога добро ќе ги изматите маслото и млекото, додадете ги ренданите јаболка, па измешајте. На крајот во смесата додадете мешавина од преостанатите суви состојки и добро соединете.
Намачкајте го плехот со масло или путер и посипете брашно. Истурете ја смесата и печете околу 40 минути на 180 степени.
Кога колачот ќе се одвои од работ на калапот и ќе добие златножолта боја, со чепкалка проверете дали има влажни остатоци од тестото. Ако нема, колачот е испечен и може да го извадите од рерна.
По желба посипете со шеќер во прав и послужете.
