Скопје, 18 декември 2021 (МИА) – Во претреси низ неколку градови низ земјава, МВР откри и заплени разни недозволени средства, по што ќе следуваат соодветни пријави.
На 17.12.2021 во 11:00 часот во Прилеп, полициски службеници од ОВР Прилеп го лишиле од слобода М.Г.(33) од Прилеп. При претрес во неговиот дом, извршен со судска наредба, биле пронајдени и одземени бела прашкаста материја, бела грутчеста материја, таблети и други предмети од кривично дело. По целосно документирање на случајот против него ќе биде поднесена соодветна пријава.
На 17.12.2021 во 14:00 часот во Куманово, полициски службеници од СВР Куманово го лишиле од слобода С.М.(31) од Куманово. При претрес во неговиот дом, извршен со судска наредба, биле пронајдени и одземени повеќе пакувања со околу 500 парчиња пиротехнички средства – петарди. По целосно документирање на случајот против него ќе биде поднесена соодветна пријава.
На 17.12.2021 во 21:50 часот на бул.„Јане Сандански“ во Скопје, полициски службеници од СВР Скопје лишиле од слобода двајца малолетници, затоа што кај нив била пронајдена и одземена марихуана. По целосно документирање на случајот против нив ќе биде поднесена соодветна пријава.
На 17.12.2021 во 21:30 часот на ул. „Рафаел Батино“ во Скопје, полициски службениици од СВР Скопје лишиле од слобода малолетник, затоа што кај него била пронајдена марихуана. По целосно документирање на случајот против него ќе биде поднесена соодветна пријава.
На 17.12.2021 во 14:40 часот на ул.„Анастас Митрев“ во Скопје, полициски службеници од Одделот за криминалистичка полиција, Сектор за недозволена трговија со дрога, оружје и опасни материи ги лишиле од слобода А.С.(26) и А.Л.(22), двајцата од Скопје. На наведената улица А.С. бил забележан како на А.Л. ѝ дава марихуана, а таа нему пари. При нивен преглед, кај А.С. биле пронајдени пари, додека кај А.Л. била пронајдена марихуана и дробилка со остатоци од марихуана. По целосно документирање на случајот против А.С. ќе биде поднесена пријава по член 215 од Кривичниот законик.
На 17.12.2021 во 17:45 часот во Скопје, полициски службеници од Одделот за криминалистичка полиција, Сектор за недозволена трговија со дрога, оружје и опасни материи во координација со полициски службеници од СВР Скопје, Единица за недозволена трговија со дрога и оружје го лишиле од слобода Т.М.(57) од Скопје. При претрес во неговиот дом, извршен со судска наредба, биле пронајдени и одземени марихуана и повеќе парчиња муниција од различен калибар. Тој бил приведен во полициска станица и по целосно документирање на случајот против него ќе бидат поднесени пријави по член 215 и член 396 од Кривичниот законик.
На 17.12.2021 во 22.55 часот во Виница, полициски службеници од Полициската станица Виница ги лишиле од слобода Д.Д.(26), Ф.Д.(24), К.С.(21), С.Ѓ.(20) од Виница и П.Ѓ.(21) од Кочани. При претрес во домот на Д.Д. и Ф.Д., извршен со судска наредба, каде биле затекнати и К.С., С.Ѓ. и П.Ѓ., биле пронајдени и одземени марихуана и стебла од растението канабис. Тие биле приведени во полициска станица и по целосно документирање на случајот против нив ќе биде поднесена соодветна пријава.
