Минатата година Google го откри изгледот на серијата Google Pixel 7, што ги заинтересира фановите. Чекањето конечно заврши, бидејќи американската компанија денеска ги претстави Google Pixel 7 и Google Pixel 7 Pro.
Телефонот не носи некои големи разлики во однос на неговиот претходник. Се напојува со новиот чип Tensor G2. Овој чип доаѓа со две Cortex-X1 јадра, две A76 и четири A55 јадра. Графичкиот процесор е Mali-G710 MC10, кој ветува дека ќе ги зголеми перформансите и ефикасноста во однос на G78. Чипот ги извршува задачите за машинско учење 60% побрзо и 20% поефикасно од неговиот претходник. Има различни функции за вештачка интелигенција како Photo Blur за отстранување на замаглување.
Овој чип е поврзан со 12 GB RAM и 128 GB, 256 GB или 512 GB внатрешна меморија. Нема слот за microSD картичка.
Кога станува збор за камерите, Pixel 7 Pro го има истиот сензор за главната камера од 50 MP како и неговиот претходник. Отворот е f / 1,85. Има и ултра широка камера од 12 MP со автофокус. Главната камера доаѓа со поддршка за OIS и EIS и може да снима 4K видео со 30 и 60 fps, како и 10-битно HDR видео. Google соработува со Snapchat и TikTok за уште подобри видеа на овие платформи.
Третиот сензор е телефото, кој доаѓа со 5x оптички зум и резолуција од 48MP.
На предната страна има 6,71-инчен AMOLED екран. Тоа е QHD+ LTPO панел со променлива стапка на освежување од 10-120 Hz. Заштитен е со Gorilla Glass Victus стакло. Под екранот има скенер за отпечатоци.
Батеријата има капацитет од 5000 mAh, но брзината на полнење не е одредена. Има и IP68 сертификат.
Google Pixel 7
Овој телефон доаѓа во многу помала величина. Има екран од 6,3 инчи. За споредба, тој е помал од Galaxy S22 и iPhone 14. Екранот е со AMOLED FHD+ резолуција. За жал, пристигнува со стапка на освежување од 90 Hz.
Го користи истиот чип како неговиот претходник, но со 8GB RAM и 128GB или 256GB внатрешна меморија. Двата телефони ќе добијат три надградби на Android и пет години безбедносни надградби. Главната и ултра-широка камера е иста како кај Pro моделот, додека нема телефото сензор.
Двата телефони имаат ист сензор за предна камера – 10,8 MP со видно поле од 93 степени, но и со фиксен фокус.
Pixel 7 има батерија од 4355 mAh.
Цената на телефонот Google Pixel 7 е 650 евра за верзијата од 128 GB.
Цената на телефонот Google Pixel 7 Pro е 900 евра за верзијата од 128 GB.