Пристојно редизајнираното издание на моделот на Mazda, кое во суштина е Toyota Yaris со различни значки, е придвижувано од хибриден погон кој комбинирано произведува 116 коњски сили.
Намалување на трошоците, зголемување на профитот, заеднички интерес... Како и да е, Mazda реши да ги поедностави работите, па неодамна претставениот модел од четвртата генерација од сегментот B (Б), кој се крие зад бројот 2, всушност е актуелниот модел на Toyota Yaris со различни ознаки и минимални промени на каросеријата.
Редизајнираниот модел, кој ќе им биде достапен на европските клиенти од следната година, со себе носи поинаков преден браник и решетка на ладилникот, друга боја на каросеријата (Glass сина) и пет ревидирани пакети на опрема кои се кријат зад имињата Prime, Centre, Exclusive, Homura и Homura Plus.
Клиентите кои веќе го имаат основниот пакет опрема може да сметаат на отклучување без клуч, USB-C конектор и мултимедијален систем кој е компатибилен со апликациите Android Auto и Apple CarPlay. Пакетите на побогатата опрема вклучуваат алуминиумски бандажи од 16 и 17 инчи, аудио систем со повеќе звучници, предни и задни паркинг сензори, LED светла, двозонска клима, поголем мултимедијален дисплеј, панорамски покрив...
Нема промени под кратката предна обвивка, а редизајнираната Mazda 2 е придвижувана од 1,5-литарскиот атмосферски 3-цилиндричен бензински мотор на Toyota, потпомогнат од електричен мотор во куќиштето на автоматскиот менувач. Максималната комбинирана моќност е 116 КС, што е доволно за забрзување од 0 до 100 км/ч за 9,7 секунди и 175 км/ч. Според нормите WLTP, просечната потрошувачка на гориво е 3,8 литри на 100 километри.