Британскиот принц Хари прифати работа во компанијата што се занимава со обука за животни вештини и ментално здравје Better Up во Калифорнија.
Тој ќе учествува во иницијативи како што се одлуки за стратегија за доделување доброволни прилози и ќе зборува јавно на теми поврзани со менталното здравје, објави Sky News.
На веб-страницата на организацијата, Хари е опишан како хуманитарец, воен ветеран, застапник за ментално здравје и поборник за заштита на животната средина.
Како со-основач на непрофитната организација Archewell, тој е фокусиран на поттикнување на системски промени во сите заедници преку непрофитна работа, како и креативни активности, се додава во описот на страницата.
Принцот Хари и неговата сопруга Меган Маркл во јануари минатата година соопштија дека ги напуштаат должностите во британското кралско семејство и се преселија во САД за да започнат нов живот таму.
