Ракомет

Прв пораз на Австрија, Германија и Шпанија сигурни

17. јануари 2020 - 8:34 | Ф.З.

Ракометарите на кодомаќинот Австрија го забележаа првиот пораз откако беа надиграни од Хрватска, додека Германија и Шпанија немаа проблеми со Чешка и Белорусија во првото коло од втората фаза.

Група I

Кодомаќинот Австрија, која со максимален ефект ја мина групата во која беше и Мкаедонија, го забележа првиот пораз пред своите гледачи откако беше немоќна пред Хрватите. Златко Зорват постигна 6 голови, додека Лука Циндриќ и Домагој Дувњак по 5, а кај Австријците 6 беа дело на Роберт Вебер. Домашниот голман Томас Ајхбергер запиша 10 одбрани, повеќе од двата хрватски голмани заедно, но и тоа не беше доволно за Австријците да го избегнат првиот пораз.

Германија ја преслуша Белорусија победувајќи со 8 разлика и вкупно 31 гол. Интересно, кај Германците во листата на стрелци се запишаа сите 14 ракометари, само двата голмана останаа без постигнат гол од кои Андреас Волф забележа 12 одбрани.

Синоќа, денот започна со победата на Шпанија над Чешка од 6 разлика. Иако најефикасен беше Чехот Ондреј Здрахала со 8 голови, Шпанците малку фалеше да бидат како Германците, сите да постигнат гол со тоа што кај нив ефикасен беше и голманот Гонсало Перес, а просекот го расипа играчот Аитор Арино кој од единствениот удар промаши.

Шпанија - Чешка 31:25
Хрватска - Австрија 27:23
Белорусија - Германија 23:31

Табела:
1. Шпанија 4 64:51
2. Хрватска 4 58:46

3. Германија 2 57:56
4. Австрија 2 55:56
5. Чешка 0 54:63
6. Белорусија 0 46:68

Денеска се играат натпреварите од втората втора, а се среќаваат:

16.00: Словенија - Исланд
18.15: Норвешка - Унгарија
20.30: Португалија - Шведска

Коментирај