Новиот италијански селектор, Лучано Спалети, го објави списокот на играчи со кои Италија ќе дојде во Скопје за квалификациската пресметка на 9 септември.
Стратегот кој ланската сезона на Наполи му го донесе Скудетото по 33 години чекање, и кој месецов го замени Роберто Манчини, повика 29 фудбалери за претстојните квалификациски натпревари за пласман на ЕУРО 2024 против Македонија и Украина.
Дебитант е дефанзивецот на Лацио, Николò Казале, а по подолго време во репрезентацијата се враќаат Матиа Ѕакањи, Кристиано Бираги, Џанлука Манчини и Мануел Локатели. Затоа, пак, ги изостави стандардните Леонардо Бонучи, Марко Верати, Жоржињо и Доменико Берарди, додека Франческо Ачерби е повреден.
Италија ќе се собира од 3 септември во стандардната база во фирентинската населба Коверчано. В петок на 8 септември ќе полета за Скопје.
На списокот има најмногу играчи на Интер и Лацио, по 5. Пет се и интернационалци, додека сите остантати играат во Серија А. Интересно, од интернационалците повикан е и Њонто од Лидс, кој игра во втората англиска лига, односно Чемпионшип.
Голмани:
Џанлуиџи Донарума - ПСЖ (Франција)
Алекс Мерет - Наполи
Иван Проведел - Лацио
Гуљелмо Викарио - Тотенхем (Англија)
Одбрана:
Алесандро Бастони - Интер
Кристиано Бираги - Фиорентина
Николò Казале - Лацио
Матео Дармјан - Интер
Џовани Ди Лоренцо - Наполи
Федерико Димарко - Интер
Џанлука Манчини - Рома
Алесио Ромањоли - Лацио
Џорџо Скалвини - Аталанта
Леонардо Спинацола - Рома
Средина:
Николò Барела - Интер
Брајан Кристанте - Рома
Давиде Фратези - Интер
Мануел Локатели - Јувентус
Лоренцо Пелегрини - Рома
Матео Песина - Монца
Сандро Тонали - Њукасл (Англија)
Напад:
Федерико Кјезa - Јувентус
Вилфрид Њонто - Лидс Јунајтед (Англија)
Чиро Имобиле - Лацио
Матео Политано - Наполи
Џакомо Распадори - Наполи
Матео Ретеги - Џеноа
Матиа Ѕакањи - Лацио
Николò Ѕаниоло - Астон Вила (Англија)
Денеска беше и официјалната презентација на Спалети пред новинарите.
Македонија и Италија играат на 9 септември од 20:45 часот на Националната Арена „Тодор Проески“ во Скопје. Картите по цена од 300 и 500 денари се веќе во продажба.