Фудбалот не е ништо без навивачите, е ставот што фудбалските фанови во Германија сакаат да го потенцираат.
Тоа чувство беше особено присутно минатиот викенд бидејќи посетеноста во 2. Бундеслига (второто ниво на натпреварувањето) за првпат ја надмина Бундеслигата (првото ниво на натпреварувањето) во бројки.
Низ цела Германија актуелни се протестите на навивачите кои се противат на предлогот на локалниот фудбалски сојуз за приватно инвестирање во приходите од маркетинг, па навивачите продолжуваат да ги полнат стадионите за поддршка на своите клубови.
Втората лига на Германија веќе е петта најгледана лига на целиот континент. Само Бундеслигата, англиската Премиер лига, шпанската Ла Лига и италијанската Серија А имаат повисока просечна посетеност од 2. Бундеслига и тие бројки продолжуваат да растат.
Викендов, за прв пат досега, вкупната посетеност во 2. Бундеслига (284.643 гледачи) беше поголема отколку во Бундеслигата (261.099).
Најмногу гледачи имаше на мечот меѓу Шалке и Визбаден на кој беа присутни дури 60.542 гледачи.
Следат натпреварите Херта - Магдебург (52.652 гледачи), Нирнберг - Кајзерслаутерн (35.462) и Ханофер - Гројтер Фирт (31.500).