Caviar, популарниот луксузен бренд од Русија кој е познат по правењето телефони во ограничени серии создаде нов модел - Putinphone. Телефонот чие целосно име е Caviar Samsung Supremo Putin Rubino во основа е модификувана верзија на Samsung Galaxy S7.
Телефонот е достапен во повеќе верзии, а од задната страна се наоѓа ликот на Владимир Путин. Во едната од верзиите, телефонот има 190 рубини поставени така за да го покажуваат лицето на рускиот претседател, а другата верзија има само златен лик на Путин.
На пазарот треба да се појават три верзии на овој телефон, кој ќе чини околу 27.000 долари.
Покрај скапата верзија на Putinphone, Caviar ќе понуди и релативно достапен модел кој ќе ја има ознаката Rubino Galaxy S7 кој е направен од повеќе метали, а нема чисто злато и рубини. Тој ќе чини 2.560 долари.
Третата верзија ќе биде Caviar Samsung Supremo Putin, а ќе чини 2.408 долари и ќе биде изработен од титаниум.
Сите модели можат да се нарачаат преку официјалниот сајт на компанијата Caviar.