Шпанскиот тенисер Рафаел Надал рече дека е пресреќен што ја освоил 10-тата титула на Ролан Гарос и посебно му се заблагодари на чичко му за заедничката соработка.
„Му честитам на Стен, ти и твојот тим направивте енверојатни работи во изминативе две недели, само продолжи така. Тешко ми е да зборувам, можам само да им се заблагодарам на сите за поддршката, како и на организаторите на турнирот за одлично завршената работа и на сите кои учествуваа во турнирот“, рече Рафа по мечот.
Надал ја освои рекордната 10-та титула на Ролан Гарос со победата над швајцарецот Стен Вавринка со 6:2, 6:3, 6:1.
Во моментот кога го крена трофејот, публиката на стадионот развеа два транспаренти, еден со огромна бројка 10 и еден на кој пишуваше „Браво Рафа“.
По химната на Шпанија и пред обраќањето на Надал, организаторите пуштија видео со сите досегашни 10 меч топки со кои Надал ги освоил трофеите на Ролан Гарос.
Рафаел му врачи на чичко му Тони Надал реплика на трофејот со неговото име.
„Ова финале многу ми значи, а посебно сум му благодарен на чичко ми кој е со мене од третата година од мојот живот, заедно освоивме 10 трофеи, а без него немаше да освојам ниту еден. Бескрајно му сум благодарен за сѐ“, рече Надал.
„Обожавам да играм на овој терен, пред оваа публика, пред луѓето кои ги сакам, чувствувам поддршка.“
