Хрватскиот фудбалер Анте Ребиќ е исфрлен од екипата на Бешикташ.
Според турските медиуми, хрватскиот офанзивец предизвикал немир во тимот, па поради ова стручниот штаб не го вклучил во составот за денешниот натпревар против Газиантеп.
Ребиќ во Бешикташ пристигна минатото лето од Милан. Се очекуваше дека ќе биде големо засилување за турскиот клуб, но тој е во втор план.
Турските медиуми пренесуваат дека 30-годишниот напаѓач ќе го напушти Бешикташ на крајот на сезоната иако има договор до летото 2025 година.
„Управата на клубот ќе организира состанок со менаџерот на Ребиќ во текот на следната недела и ќе му наложи да најде нов клуб“, пишува Fotomac.
Ребиќ сезонава на 23 натпревари мина само 691 минута на теренот, постигна еден гол и забележа пет асистенции.
