Фудбалската федерација на Саудиска Арабија му изрече казна на Кристијано Роналдо за недоличното однесување во текот и по натпреварот со Ал Шабаб.
Португалецот падна на провокациите од трибините. Навивачите на Ал Шабаб во текот на мечот извикуваа „Меси, Меси“.
Според Daily Mail, Роналдо доби суспензија од два натпревара. Повикувајќи се на пишувањата на медиумите во Саудиска Арабија, Daily Mail пишува дека покрај суспензијата Роналдо ќе добие и парична казна.
Португалецот ќе ги пропушти натпреварите со Ал Хазма во четврток, како и со Ал Аин во четвртфиналето на азиската Лига на шампиони.
Роналдо, инаку, е најдобар стрелец во лигата со 20 гола на 22 натпревара.