Славниот португалски фудбалер Кристијано Роналдо синоќа доживеа вистински нервен слом поради контроверзните судиски одлуки за кои се чини дека беше во право.
Роналдо и неговиот Ал Наср се пласираа во групната фаза од азиската Лига на шампиони. Саудискиот клуб славеше со 4:2 со одличен пресврт на крајот против Шабаб Ал-Ахли од Обединетите Арапски Емирати.
Но, португалската фудбалска ѕвезда целосно ги загуби нервите во првото полувреме. Кинескиот судија Фу Мин не досуди два, се чини, очигледни пенали над Роналдо.
Португалецот прво му се развика на судијата, а подоцна и на четвртиот бидејќи немаше реакција од помошниците за промена на судиската одлука. Во тие моменти тој пцуеше, а потоа налутено турна навивач во близина на аут-линијата, кој наводно сакал селфи со португалскиот фудбалер.
Сепак, Роналдо на крајот од натпреварот го заборави сето тоа и со соиграчите емотивно го прослави пласманот во групната фаза од Лигата на шампионите.
Роналдо и Ал Наср на утрешната жрепка ќе ги дознаат своите противници во групната фаза. Ал Наср се наоѓа во четвртиот барабан. За разлика од европската, азиската Лига на шампиони е поделена на западен и источен дел, поради далечината од едниот до другиот крај на континентот. Така, Роналдо ќе може да игра само против тимови од Иран, Катар, Узбекистан, Јордан, Ирак, Таџикистан, Туркменистан и Индија, а не и против екипи од Јапонија, Кина, Јужан Кореја, Тајланд, Австралија итн. Тимовите од источниот и западниот дел можат да се сретнат единствено во финалето.
Лани, Ал Хилал загуби во големото финале од јапонската Урава Ред Дајмондс со вкупен резултат 2:1 (1:1 и 1:0).