Фудбалските клубови од Русија нема да можат да учествуваат во европските натпреварувања во сезоната 2022/2023, одлучи денеска Судот за спортска арбитража (ЦАС) во Лозана.
Русите претходно поднесоа жалба до Спортскиот суд против одлуките на УЕФА и ФИФА кои ги суспендираа руските клубови и репрезентации поради војната во Украина, но денеска Судот ги потврди одлуките на водечките фудбалски тела.
Судот за спортска арбитража во блиска иднина ќе одлучува по жалбите на руските спортски федерации во другите спортови, бидејќи многумина го следеа примерот на УЕФА и ФИФА и ги суспендираа натпреварувачите од Русија поради воената агресија врз територијата на Украина.
