Македонскиот олимпиец Ставре Јада оствари слаб пласман на квалификациите од денешниот спринт на 1,5 километри на Зимските олимписки игри во Пекинг.
Крушевчанецот заврши на 86. место од вкупно 90 натпреварувачи, од кои 88 ја завршија трката. Тој оствари време од 3:29,13 минути или 44,10 секунди побавно од првопласираниот Лука Шанава од Франција кој имаше време од 2:45,03.
Зад Јада завршија натпреварувачи од егзотични земји кога станува збор за зимските спортови. Едно место зад него беше Либанецот Ели Таук, а последен Колумбиецот Карлос Андрес Кинтана.
Натпреварувањата во оваа дисциплина кулминираа нешто подоцна денес кога се доделија и медалите. Златото замина кај Норвежанецот Јоханес Хесфлот Клебо со време од 2:58,06, среброто кај Италијанецот Федерико Пелегрино (2:58,32), додека бронза на Русија ѝ донесе Алелсандр Терентев (2:59,37).
Игрите за Јада не завршија со овој настап бидејќи на 19-ти го очекува трка на 50 km слободно, каде се надева дека ќе оствари подобар резултат.
