Apple не користел два различни процесора во своите телефони од моделите iPhone 5S и 5C.
Иако уште многу време нè дели од следната серија на iPhone премиум телефони, гласините за овие уреди веќе се појавуваат и укажуваат на идната линија iPhone 14.
Минг-Чи Куо, реномиран аналитичар на екосистемот на Apple, сугерира дека серијата iPhone 14 ќе се состои од четири модели - iPhone 14, iPhone 14 Max, iPhone 14 Pro и iPhone 14 Pro Max.
Исто така, според него, само два од четирите телефони ќе го добијат новиот A16 Bionic чип, а тоа ќе бидат телефони со ознаката Pro во името. Стандардните модели ќе мора да се задоволат со актуелниот чип A15 Bionic.
Дополнително, Куо истакнува дека iPhone 14 ќе има дисплеј од 6,1 инчи, додека iPhone 14 Max ќе има екран од 6,7 инчи. Pro моделите ќе имаат исти големини на екран: 6,1 инчи за iPhone 14 Pro и 6,7 инчи за iPhone 14 Pro Max.
