Немирот во тимот на Баерн трае веќе некое време, а страстите се разгореа по пораз (3:0) од Манчестер Сити во првиот четвртфинален дуел од Лигата на шампионите. Секојдневно се појавуваат нови скандали и соблекувалната на баварскиот гигант е како темпирана бомба. Сето тоа се одразува на теренот.
Последниот во низата скандали се случи во вторникот вечерта, а во фокусот се Садио Мане и Лирој Сане. По несогласувањата на теренот, се случила физичка пресметка во гостинската соблекувална на „Итихад“.
За сѐ беше обвинет сенегалскиот фудбалер кој прв го удрил Германецот, но, сепак, германските медиуми откриваат дека и Лирој Сане има сериозна вина.
Тој прв го навредил Садио Мане на теренот по едно недоразбирање и погрешно додадавање во текот на натпреварот.