Капитенот на хрватската репрезентација Лука Модриќ во последните денови од јануарскиот преоден рок би можел да ги напушти редовите на шпанскиот гигант Реал Мадрид, пишува угледниот весник AS.
Имено, во текстот посветен на Модриќ беа изнесени одредени податоци кои се многу загрижувачки за Хрватот, но она што без сомнение го привлече целото внимание е потенцијалното заминување.
Модриќ беше замена во 17 од 32 натпревари на Реал оваа сезона, што никогаш досега не му се случило.
Новинарите на AS нагласуваат дека искусниот играч за врска паднал во хиерархијата што се однесува до тимот на Карло Анчелоти, на што сериозно му замерува.
На последниот натпревар на гостувањето кај Лас Палмас, Модриќ не доби шанса за настап, а особено му пречи што Анчелоти не го ни испрати на загревање.
Хрватот наводно им е лут на челниците на кралскиот клуб и им замерува што не реагирале на игнорирањето на Анчелоти, па ситуацијата е многу тензична и сè може да ескалира деновиве.
Саудијците се многу заинтересирани за неговите услуги, па Модриќ многу брзо би можел да се пресели во Ал Хилал, кој веќе донесе голем број на ѕвезди.
