Калчолигата денеска го направи и јавно го објави распоредот за новата 2023/2024 сезона која ќе почне викендот на 19/20 август.
Италијанската Серија А почнува на 19 август, а ќе заврши со натпреварите од последното коло на 26 мај 2024 година.
Ќе има едно вонредно коло среде недела, на 27 септември, како и 4 репрезентативни паузи викендите на 10 септември, 15 октомври, 19 ноември и 24 март.
Трета сезона по ред распоредот е асиметричен, што значи дека возвратните натпревари, односно вториот дел од сезоната (од 20-то до 38. коло), нема да го следат распоредот на натпревари од првиот дел (коло 1 до 19).
Одлучено беше Наполи, Лацио, Интер, Милан, Рома, Аталанта и Јувентус да не можат да се сретнат на стартот во 1. коло, како и во колата 2, 5, 6 (вонредното), 19 и 38. Истото важи и за градските дербија Дерби дела Мадонина (Интер - Милан), Дерби дела Моле (Торино - Јувентус) и Дерби дела Капитале (Рома - Лацио), како и за тосканските дербија.
Сите дерби натпревари мора да се играат во различни кола, додека клубовите што играат во европските натпреварувања нема да играат помеѓу себе во кола закажани помеѓу европски натпревари (25, 28, 32 и 35).
Актуелниот шампион Наполи одбраната на Скудетото ќе ја почне со гостување на „Бенито Стирпе“ стадионот кај новајлијата Фрозиноне. Интересно, Јувентус ќе почне со истиот натпревар со кој ја заврши минатата сезона, со гостување на „Дачиа Арена“ кај Удинезе.
Болоња - Милан
Лече - Лацио
Емполи - Верона
Рома - Салернитана
Фрозиноне - Наполи
Сасуоло - Аталанта
Џеноа - Фиорентина
Торино - Каљари
Интер - Монца
Удинезе - Јувентус
Наполи, Фиорентина, Лацио и Интер ќе се борат за Суперкуп пехарот на почетокот од јануари 2024, па нивните натпревари од 19. коло ќе бидат поместени за 22/23 јануари.
Првото Дерби дела Мадонина ќе се игра во 4. коло на 17 септември.
Комплетниот распоред можете да го симнете во PDF тука.